GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı milli fəallar Təbrizdə vərəqələr paylayaraq Azərbaycan sərvətlərinin İran rejimi tərəfindən talanmasına etiraz ediblər.
Azərbaycanlı milli-mədəni fəallar Güney Azərbaycanın mədən və təbii sərvətlərini talanması, habelə İran rejimi tərəfindən azərbaycanlı fəalların həbsə məhkum edilməsinə və İranın müstəmləkə siyasətinə etiraz olaraq çoxsaylı vərəqələr hazırlayaraq şəhərdə paylayıblar.
Vərəqələrdə İranın Azərbaycana qarşı müstəmləkə siyasəti ilə bağlı Şərqi Azərbaycan əyalətinin keçmiş valisi Məhəmmədrza Purməhəmmədinin fikirləri də əks olunub: “Hər gün Şərqi Azərbaycanın Vərziğan bölgəsində yerləşən Süngün mis mədəninin 50 milyard tümən dəyərində konsentratı Kirmana daşınır. Bu pul əyalətdə qalsa bura cənnət olar”.
Qeyd edək ki, irqçi fars rejim Güney Azərbaycana qarşı müstəmləkə siyasəti yeritməklə Azərbaycanı talayır. Bu isə haqlı olaraq azərbaycanlıların etirazı ilə qarşılanır.
