Molla rejimi azyaşlı uşaqları terror təşkilatına cəlb edir

GADTB-nin Mətbuat Mərkəzinə daxil olan məlumata görə, İran hökuməti azyaşlı uşaqları hərbi təlimlərə və ideoloji kurslara cəlb etməklə onlardan özünün siyasi məqsədləri istiqamətində istifadə edir.

Aprelin 25-də SEPAH-a bağlı yarım hərbi terror,u “Bəsic” qüvvələrinin Qəzvin əyalətindəki məsul şəxsi İbrahim Rəsulifər əyalətdə 8 min azyaşlı oğlan və qıza hərbi təlimlər keçməyi, atıcılıq dərsləri verməyi planlaşdırdıqlarını deyib.

Təlimlərin may ayında keçirilməsi nəzərdə tutulur.

Habelə, azyaşlıların şəhidlik üçün hazırlanması məqsədi ilə ideoloji dərslər keçirilməsi də gözlənilir.

Qeyd edək ki, bu, İranın 1994-cü ildən qoşulduğu Uşaq Hüquqları Konvensiyasının pozulması deməkdir.