“Boeing” şirkəti İran adlanan ölkəyə təyyarə satışından imtina etdi

GADTB-nin Mətbuat Mərkəzinə daxil olan məlumata görə, “Boeing” korporasiyası sanksiyalar səbəbindən İran adlanan ölkəyə təyyarə satışından imtina edib. Bu barədə “Agence France-Presse”ə (AFP) açıqlamasında “Boeing”in rəsmi nümayəndəsi bildirib.

“Hələ ki, biz İrana təyyarə göndərməmişik. Artıq İranla ticarətə dair lisenziyanın olmaması səbəbindən biz təyyarələri göndərməyəcəyik”, – rəsmi nümayəndə deyib.

Xatırladaq ki, ABŞ-ın İrana qarşı sanksiyaların ləğvindən sonra “Boeing” “Iran Air” və “Iran Aseman Airlines” aviaşirkətləri ilə dəyəri 20 mlrd dollaradək olan sazişlər imzalamışdı.