Bazar , Sentyabr 26 2021
azfa

Erməni təxribatı və fars şovinizminin təsirləri: Azərbaycan şairi Nizami fars şairi kimi təqdim edilib – Şəkil

GADTB-nin Mətbuat Mərkəzinin əldə etdiyi məlumata görə, fars şovinizminin və emənilərin Antiazərbaycan və antitürk təbliğatı bəzən dünya ictimaiyyətini də çaşdırır. Belə ki, dünyanın ən böyük onlayn ensiklopediyası olan Vikipediyada Azərbaycan şairi Nizami Gəncəvi ilə bağlı düşünülmüş təxribata yol verilib.

Vikipediyanın rus dilində olan versiyası böyük Azərbaycan şairi Nizami Gəncəvini “fars poeziyasının klassiki (классик персидской поэзии)” kimi təqdim edib. Bununla yanaşı, Vikipediyada Nizamiyə həsr olunmuş məqalənin (rusca) giriş hissəsində və şairin şəklinin yuxarısında onun ad və soyadı fars və kürd dillərində verilib. Bu isə Nizaminin guya kürd əsilli fars şairi olması barədə gülünc iddialara rəvac verməkdir və əlbəttə ki, qəsdən edilib.

Məqalənin redaktə tarixçəsinə baxdıqda düzəliş edənlər arasında “Taron Saharyan”, “Ankax Hayastan” və “Zara-arush” adlı istifadəçiləri görürük. “Taron Saharyan” Vikipediyadakı profilində İrəvandan olduğunu, digər iki istifadəçi isə qondarma “dqr”i dəstəklədiyini yazıb. Redaktələri araşdırdıqda təxribatın 2014-cü ildə edildiyi üzə çıxır. Nizaminin Azərbaycan dilində olan adını məqalədən Böyük Britaniyadan olan “Victoria” və “Böyük Ermənistan” ilə maraqlanan “Rs4815” adlı istifadəçilər çıxarıblar.

Maraqlıdır ki, ermənilərin bütün vasitələrdən istifadə ilə apardığı bu təxribat indiyədək diqqətdən yayınıb.

Fotofaktı oxuculara təqdim edirik.

Həmçinin yoxlayın

Türk ölkələrinin Xarici işlər nazirləri sabah İstanbulda toplaşır

GADTB-nin Mətbuat Mərkəzinə daxil olan məlumata görə, Türk Ölkələrinin Əməkdaşlıq Şurasına üzv ölkələrin Xarici işlər …

PKK terror təşkilatına ağır zərbə

GADTB-nin Mətbuat Mərkəzinə daxil olan məlumata görə, İraqın Mosul şəhərinin Sincar rayonunda 51 PKK üzvü …

Bir cavab yazın