Çərşənbə , Aprel 21 2021
azfa

İrqçi fars rejim azərbaycanlı fəal Yusif Karini 2 il həbsə məhkum etdi

GADTB-nin Mətbuat Mərkəzinə daxil olan məlumata görə, irqçi fars rejimin Ərdəbildə yerləşən Apellyasiya Məhkəməsinin 13-cü şöbəsi azərbaycanlı milli-mədəni fəal Yusif Karini 2 il həbsə məhkum etdi.

Bu barədə məhkəmə qərarı fevralın 23-də azərbaycanlı fəala elan olunub.

Bundan öncə rejimin Ərdəbildə yerləşən İnqilab Məhkəməsinin 1-ci şöbəsi hazırda rejimin Ərdəbildə yerləşən zindanında saxlanılan fəalı “GAMAC-a  üzv olmaq” və “Sistemin əleyhinə təbliğat aparmaq”da ittiham edərək, sıra ilə 5 və 1 il (6 il) həbs cəzasına məhkum etmişdir.

İrqçi fars rejimin Ərdəbildə yerləşən Apellyasiya Məhkəməsinin 13-cü şöbəsi fəala “Sistemin əleyhinə təbliğat aparmaq” ittihamından bəraət verib və ikinci ittihamda isə dəyişiklik edərək, fəalı “Milli təhlükəsizliyi pozmaq məqsədi ilə Abbas Lisaninin rəbərlik etdiyi sözdə qövm və mədəniyyətlə bağlı qrupun iclaslarına davamlı olaraq qatılmaqla həmin qrupa üzv olmaq” ittihamına görə 2 il həbs cəzasına məhkum edilib.

Qeyd edək ki, rejimin Apellyasiya məhkəməsi tanınmış azərbaycanlı milli-mədəni fəal Abbas Lisani azadlığa buraxılarkən onun görüşünə getmək və Novruz bayramı münasibəti ilə fəalın evinə novruz görüşünə getməyi qrupa üzv olmaq kimi qiymətləndirib. Bundan əlavə “Qövm və mədəniyyətlə bağlı qrup” da yoxdur. Bir sözlə çıxarılan qərar tamamilə absurd və qeyri-məntiqidir.

Yusif Kari ötən sentyabr ayında rejimin təhlükəsizlik qüvvələri tərəfindən yaxalanmışdır.

Həmçinin yoxlayın

Qondarma erməni iddiaları sadəcə  siyasi məqsədlərə əsaslanan bir böhtandır

GADTB-nin Mətbuat Mərkəzinə daxil olan məlumata görə, Türkiyə Prezident Administrasiyasının Kommunikasiya İdarəsinin sədri Fəxrəddin Altun …

Türkiyə Zəngəzur dəhlizinin inşasının başlandığını elan etdi

GADTB-nin Mətbuat Mərkəzinə daxil olan məlumata görə, Türkiyə Türk dünyasını birləşdirəcək Zəngəzur dəhlizinin inşasının başlandığını …

Bir cavab yazın