İşğalçı fars rejim azərbaycanlı fəal Səid Sadiqifəri məhkəməyə çağırdı

GADTB-nin Mətbuat Mərkəzinə daxil olan məlumata görə, işğalçı fars rejim 2019-cu il yanvar ayının 14-də azərbaycanlı şair və milli-mədəni fəal Səid Sadiqifəri Ərdəbildə yerləşən İnqilab Məhkəməsinə çağırıb.

Fəala göndərilən çağırış vərəqəsinə görə, o 2019-cu il yanvarın 23-də rejimin Ərdəbil şəhərində yerləşən İnqilab Məhkəməsinin 2-ci şöbəsinə müraciət etməlidir.

İşğalçı fars rejim azərbaycanlı fəalı şərləyərək, “ölkə təhlükəsizliyini pozmaq məqsədi ilə qanunsuz qrup yaratmaq”da ittiham edib.

Qeyd edək ki, azərbaycanlı fəal Səid Sadiqifər 2018-ci il iyul ayının 2-də Babək Qalası Qurultayı ərəfəsində Ərdəbildə evindən çıxarkən təhlükəsizlik qüvvələri tərəfindən yaxalanmışdır.

Fəal barəsində 50 milyon tümənlik mülki vəsiqə qərarı çıxarılmış və mülki vəsiqə girov qoyduqdan sonra 2018-ci il iyulun 10-da müvəqqəti azadlığa buraxılıb.