GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, Güney Azərbaycan Demokratik Türk Birliyi (GADTB) Beynəlxalq Əlaqələr Departamentinin sədri və Avstraliya-Azərbaycan Assosiasiyasının prezidenti sayın Mikayıl bəy Oyta 21 Fevral-Dünya Ana Dili Günü ilə bağlı Quzey Azərbaycan mətbuatına müsahibə verib.
Sayın Mikayıl bəy bildirib ki, İranın hazırkı rejimi şovinist şah hökumətinin siyasətini davam etdirir:
“İran adlanan ölkədə Güney Azərbaycan türklərinin milli hüquqları əlindən alınıb. Soydaşlarımıza ana dilində təhsil almaq hüququ verilmir. Pəhləvi hökuməti dövründə azərbaycanlılara qarşı ayrı-seçkilik siyasəti aparılırdı. Molla rejimi hakimiyyətə gələndən sonra bu siyasət davam etdirildi. Bu onu göstərir ki, Fars şovinizmi 40 ildə yalnız rəng dəyişib. Mahiyyətcə molla hökumətinin şahçılardan fərqi yoxdur. İran şovinistləri Azərbaycan türklərini əritmək, “iranlı” adı altına yox etmək, Azərbaycan dilini unutdurmaq istəyirlər”. M.Oyta deyib ki, İranda nəinki türk dili, hətta türk adları, soyadları da yasaqdır.
