Bazar ertəsi , Sentyabr 26 2022
azfa

Rejim həbs etdiyi azərbaycanlı fəal Əkbər Nəiminin zaminə buraxılmasına mane oldu

GADTB-nin Mətbuat Mərkəzinə daxil olan məlumata görə, irqçi fars rejim həbs etdiyi azərbaycanlı milli-mədəni fəal Əkbər Nəiminin vəsiqə qarşılığında zaminə buraxılmasına mane olub.

Bu barədə fəalın özü ailəsi ilə qısa telefon əlaqəsində məlumat verib və deyib ki, barəsində mülki vəsiqə qərarı çıxarılıb. Lakin hakim onun zaminə buraxılmasına mane olur.

Azərbaycanlı fəal yaxalandıqdan təxminən bir ay sonra fevralın 18-də ailə üzvlərinə zəng edərək Evin zindanının 209-cu bölməsində saxlandığını deyib.

Əkbər Nəimi rejimin inqilab məhkəməsinin Evin zindanındakı şöbəsi tərəfindən zaminə buraxılması üçün 200 milyon tümənlik mülki vəsiqə qərarı çıxarıldığını deyib.

Fəalın ailə üzvləri fevralın 19-da mülki vəsiqə girov qoymaq üçün şöbəyə müraciət ediblər. Lakin hakim hələlik Əkbər Nəiminin dosyesi ilə bağlı işlərin yekunlaşmadığını bildirərək, onun zaminə buraxılmasına icazə verməyib.

Qeyd edək ki, mühəndis Əkbər Nəimi yanvarın 22-də, öz iş yerində saxlanaraq, naməlum istiqamətdə aparılmışdı. yaxalandıqdan sonra rejimin təhlükəsizlik qüvvələri fəalın evində axtarış aparmış, fəala məxsus notbuk, mobil telefon və kitabları müsadirə etmişlər.

Həmçinin yoxlayın

Ukrayna Rusiyanın 56700 hərbçisini məhv edib

GADTB-nin Mətbuat Mərkəzinə daxil olan məlumata görə, Ukrayna müharibənin 214-cü günü üçün Rusiya ordusunun itkiləri …

İran dövləti azərbaycanlı siyasi məhbus Abbas Lisaniyə telefon danışığına adağa qoyub

GADTB-nin Mətbuat Mərkəzinə daxil olan məlumata görə, irqçi fars rejim Ərdəbildə keçirilən dinc etirazlardan sonra …

Bir cavab yazın