GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim Tehranın Evin zindanında həbs etdiyi və böyrək çatışmazlıöğından əziyyət çəkən azərbaycanlı milli fəal Həmid Mənafi Nadarlının xəstəxanaya çökürülməsinə icazə vermir.
Xüsusi ilə böyrək daşına görə vəziyyəti pisləşən Mənafi Nadarlı avqustun 26-da zindanın poliklinikasına aparılıb. Azərbaycanlı fəala sistem köçürüldükdən sonra yenidən Evin zindanının 8-cı bölməsinə qaytarılıb.
Azərbaycanlı vicdan məhbusu Mənafi Nadarlının müalicəsi tamamlanmadan saxlandığı bölməyə qaytarılması İranda məhbusların sağlamlığı ilə bağlı qanunlara zidd olduğu halda zindan rəsmiləri onun xəstəxanaya göndərilməsinə icazə verməyiblər.
Qeyd edək ki, bir müddət əvvəl Tehran Apellyasi Məhkəməsinin 54-cü şöbəsi Əkbər Azad, Əlirza Fərşi, Behnam Şeyxi və Həmid Manafi Nadarlını Beynəlxalq Ana Dili Günü mərasimində iştirak etmək ittihamı ilə yaxalayıb, bir neçə gün sonra zaminə buraxmışdır. Həmçinin apellyasiya məhkəməsi heç bir günahı olmayan həmin fəalların hər birini 2 il həbs və 2 il sürgün cəzasına məhkum edib.
Həmin azərbaycanlı fəallar 2014-cü ildə Tehranın yaxınlığında yerləşən Nəsimşəhrdə Beynəlxalq Ana Dili Günü mərasiminə qatıldıqları üçün rejimin Baharistan İnqilab Məhkəməsinin 1-ci şöbəsi tərəfindən toplam olaraq 45 il həbs və 8 il sürgün cəzasına məhkum edilmişdilər.
