Türkiyə təyyarələri PKK terrorçularının İraqın şimalındakı mövqelərinə zərbələr endirib

GADTB-nin Mətbuat Mərkəzinin “Anadolu” agentliyinə istinadən yaydığı xəbərə görə, Türkiyə Hərbi-Hava Qüvvələrinə məxsus təyyarələr ötən gün PKK terrorçularının İraqın şimalındakı mövqelərinə zərbələr endirib. Bu barədə Türkiyə Silahlı Qüvvələri Baş Qərargahının məlumatında bildirilir.    

Məlumata əsasən, əməliyyat Asos rayonunda həyata keçirilib. Əməliyyat zamanı 36 hədəf vurulub, terrorçulara məxsus silah-sursat anbarları və sığınacaqlar məhv edilib.