Şənbə , May 28 2022
azfa

Türkmənistanı 2018-ci ildə turizm üçün ən yaxşı məkan seilib

GADTB-nin Mətbuat Mərkəzinə AZƏRTACA-a istinadən yaydığı məlumata görə, İtaliyanın “Rai Tre” telekanalı keçirdiyi sorğunun nəticələrinə görə 2018-ci ildə səyahət üçün ən yaxşı istiqamətləri açıqlayıb. Sorğunun “Tarix” nominasiyasında Türkmənistan lider olub.

Qeyd olunur ki, dünyanın müxtəlif ölkələrində olan televiziya tamaşaçılarının və turistlərin rəyi telekanalın ən populyar istiqamətlərdə hazırladığı turizm və səyahətlər barədə çoxsaylı televiziya verilişlərindən sonra öyrənilib.

Diqqətəlayiqdir ki, tarixlə maraqlanan səyahətçilər üçün Türkmənistanda çoxlu tarixi yerlər mövcuddur. Türkmənistanın ən yaxşı görməli tarixi abidələri sırasında “türkmən Stounhenci”ni – Altın-Depe şəhərinin adını çəkmək olar. Qədim şəhərin yaşı tarixçilər tərəfindən bürünc dövrə aid edilir (e.ə. 2300-1900-cü illər). Burada turistlər qədim xalqların Proto-Elam və Proto-Şumer “yazıları”nı xatırladan piktoqramı ilə tanış ola bilərlər.

Qədim Parfiya şəhərləri və xüsusən də onun mədəni paytaxtı – Qədim Nissa səyahətçilərdə böyük maraq oyadır. Böyük Margiananın şəhərləri və qalalarına turistlər biganə yanaşa bilmirlər. Yunanlar və romalılar çinliləri ilk dəfə məhz bu ərazidə qarşılayıblar.

Qeyd edək ki, ötən ilin dekabrın 1-də Türkmənistanda Böyük İpək yolu boyunca tarixi-mədəni abidələrin elmi-tədqiqat, qazıntı işlərinə və mədəni irsin populyarlaşdırılmasına dair Dövlət Proqramı qəbul edilib.

Həmçinin yoxlayın

Azərbaycanlı tanınmış ziyalı və fəal Həsən Raşidi terror hücumuna məruz qalıb

GADTB-nin Mətbuat Mərkəzinə daxil olan məlumata görə, Güney Azərbaycanın Kərəc şəhərində yaşayan azərbaycanlı tanınmış ziyalı …

İranın irqçi fars-molla rejimi qətliam etdiyi siyasi məhbusların kütləvi məzarlığını gizlətmək istəyir

GADTB-nin Mətbuat Mərkəzinə daxil olan məlumata görə, İranın irqçi fars-molla rejimi 1980-ci illərdə edam etdiyi …

Bir cavab yazın