GADTB Güney Azərbaycan Demokratik Türk Birliyi
GADTB: İsrail 12 günlük müharibədən əvvəl Xameneyini öldürməyi planlaşdırıb.
Bu barədə İsrailin Kanal 13 telekanalının məlumat yayıb.
Məlumata görə, iyunun 12-də Qüds yaxınlığındakı sığınacaqlardan birində təhlükəsizlik kabinetinin gizli iclası keçirilib. İclasda ali dini lideri Əli Xameneyinin öldürülməsi, İslam Respublikasında sabitliyin pozulması və Tehran sakinlərinin şəhəri tərk etməyə məcbur edilməsi ehtimalları müzakirə olunub.
Xəbərdə bildirilir ki, bu görüş 12 günlük müharibə başlamazdan əvvəl İsrail hökuməti və hərbi rəsmilərinin iştirakı ilə keçirilib. Baş nazir Benyamin Netanyahu iclasda “Tarixi bir andayıq. Əgər tədbir görməsək, İran on minlərlə kiloqram nüvə partlayıcısı əldə edəcək və mövcudluğumuz təhlükə altına düşəcək” deyə bəyan edib.
Netanyahu, habelə, hücumların əsas hədəflərinin İranın nüvə alimləri və hökumətin komandanlıq mərkəzləri olduğunu vurğulayıb.
