GADTB Güney Azərbaycan Demokratik Türk Birliyi
GADTB: Təbrizin Səhənd stadionunda keçirilən Azərbaycanın “Traxtur” – İraqın “Əl-Şurta” futbol qarşılaşması zamanı azarkeşlər müxtəlif vaxtlarda güclü milli şüarlar səsləndiriblər.
Azarkeşlərin stadionu bürüyən əsas şüarları bunlar olub:
“Azərbaycan oğluyam, sonra Traxturçuyam”
“Urmiyə gölü can verir, Məclis onun qətlinə fərman verir”
“Türk dilində mədrəsə, olmalıdır hər kəsə”
“Urum, Zəncan, Ərdəbil — bu səs Təbrizdən gəlir”
Bu şüarlar oyunun müxtəlif dəqiqələrində gur şəkildə səslənsə də, Səhend regional telekanalının əməkdaşları canlı yayımda stadionun səsini dərhal kəsiblər. Buna baxmayaraq, şüarların videoları sosial şəbəkələrdə geniş şəkildə yayılıb və istifadəçilər tərəfindən böyük maraqla qarşılanıb.
