Rejimin yaxaladığı milli fəal Əkbər Sadiqi vəsiqə qarşılığında zaminə buraxıldı

GADTB-nin Mətbuat Mərkəzinə daxil olan məlumata görə, irqçi fars rejimin  Urmiyada yaxaladığı azərbaycanlı milli fəal Əkbər Sadiqi mülki vəsiqə qarşılığında müvəqqəti zaminə buraxılıb.

Azərbaycanlı fəal dünən avqustun 10-da məhkəmə tərəfindən qəbul edilən 50 milyon tümənlik vəsiqə qaşılığında rejimin Urmiyada yerləşən zindanından zaminə buraxılıb. Rejimin kəşfiyyat və təhlükəsizlik polisi aqustun 6-da məhkəmə qərarı ilə Əkbər Sadiqinin atası evinə çağırış vərəqəsi göndərərək bazar günü avqustun 9-da saat 8:30-da milli fəalın polis dairəsinə getməsini istəmişdi.

Çağırılan saatda Urmiya şəhərinin kəşfiyyat və təhlükəsizlik polisinin “9 Pillə” saxlama mərkəzi binasında hazır olan Əkbər Sadıqia yaxalanmışdı.

Həmin gün saat 18:00-də polisin təhlükəsizlik şöbəsinə müraciət edən Sadiqinin ailəsinə polis tərəfindən övladlarının harada olduğu haqda heç bir məlumat verilməyib. Sadıqinin ailəsi polis məmurlarından ittihamı barədə məlumat istəsələr də, onlar bu haqda heç bir izahat verməmişdi.