Bazar , Oktyabr 24 2021
azfa

Azərbaycan Silahlı Qüvvələrində “NATO günləri” keçirilib

GADTB-nin Mətbuat Mərkəzinin “Apa” xəbər agentliyinə istinadən yaydığı məlumata görə, Azərbaycan Silahlı Qüvvələrində NATO-nun Müttəfiq Transformasiya Komandanlığı Qərargahının ekspert qrupu tərəfindən Bakı şəhərində “NATO günləri” təşkil olunub.

Azərbaycan Müdafiə Nazirliyinin məlumatına görə, NATO-nun Hərbi Tərəfdaşlıq İdarəsinin qərargah rəisi polkovnik Aleksander Şvabın (Kanada) rəhbərlik etdiyi nümayəndə heyəti Silahlı Qüvvələrin Hərbi Akademiyası, Heydər Əliyev adına Azərbaycan Ali Hərbi Məktəbi və Hərbi Dəniz Qüvvələri komandanlığını ziyarət edib.

Tədbir çərçivəsində Silahlı Qüvvələrin zabit və kursantları üçün “NATO bu gün – strukturu və vəzifələri”, “Azərbaycan-NATO əməkdaşlığı”, “NATO-nun arzu etdiyi Strateji Təsir”, “NATO-nun mövcud Dəniz Qüvvələri”, “NATO Varşava Sammitindən sonra, NATO-nun Tərəfdaşlıq Siyasəti və Cənubi Qafqaz”, “Qlobal kiber-inkişaf və NATO-nun cavabı” və digər mövzularda mühazirələr təqdim olunub.

Həmçinin yoxlayın

Çin Şərqi Türküstanda uyğur türklərini məhv etmək üçün repressiv idarəçilik sistemi qurub

GADTB-nin Mətbuat Mərkəzinə daxil olan məlumata görə, Şərqi Türküstanla bağlı bu həftə yayılan hesabata əsasən, …

İran türkcə “Bənsu” adına görə 2 ildi azərbaycanlı körpəyə şəxsiyyət vəsiqəsi vermir

GADTB-nin Mətbuat Mərkəzinə daxil olan məlumata görə, irqçi fars rejim Güney Azərbaycanda azərbaycanlı körpəyə türkcə …