GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, türkmənlərin çox olduğu bölgələrdə elektron cihazların fəaliyyəti bir neçə saat dayandırıldı. Bu sözləri İraq Türkmanları Cəbhəsinin lideri Ərşad Salihi İraqda keçirilən seçkilər haqda Axar.az-a danışarkən deyib.
Onun sözlərinə görə, elektron sistemin köməkliyi ilə reallaşdırılan seçkidə saxtakarlıq müşahidə olunub:
“Türkmanların səs verdiyi seçki məntəqələrində iki-üç saat cihazlar fəalliyyətini dayandırdı. Doğrusu, belə bir təxribatı gözləmirdik”.
Seçicilərin fəallığı haqda danışan türkman lider vətəndaşların zəif iştirakını da vurğulayıb;
“Təkcə türkmanlar arasında deyil, ümumilikdə İraq ərazisində seçici fəallığı zəifdir. Amma istənilən halda dəqiq bir söz demək çətindir.
Qeyd edək ki, bu gün İraqda parlament seçkisi keçirilir. İraq Türkmanları Cəbhəsi 10 yer uğrunda mübarizə aparır.
