Çərşənbə , Aprel 17 2024
azfa

Kürd terrorizminə qarşı mübarizə aparan Həsənin vəfatı münasibəti 3 gün matəm elan edildi

GADTB-nin Mətbuat Mərkəzinə daxil olan məlumata görə, Güney Azərbaycanın Urmiya şəhərinin keçmiş imam cüməsi Qulamrza Həsəninin vəfatı münasibətilə Qərbi Azərbaycan vilayətində 3 gün matəm elan edildi.

Urmiyanın imam cüməsi molla Həsəni bölgədə fəal olan kürd terror qruplaşmalarına qarşı çox fədakarlıqla mübarizə apardığı üçün azərbaycanlılar tərəfindən çox sevilir. 1979-cu il inqilabının birinci illərində Güney Azərbaycanın qərb bölgələrini kürd terrorizmi bürümüşdür, onlar Sulduz şəhərində əhaliyə qarşı soyqırım törədərək şəhəri azərbaycanlı əhalidən təmizləməyə çalışdılar. Həmin zaman molla Həsəni terrorçulara qarşı mübarizədə böyük cəsarət göstərib yerli əhalinin mübarizəsinə rəhbərlik edərək bölgəni terrorçulardan təmizləmişdir.

Molla Həsəni imam Cümə olmaqdan başqa Urmiya və ümumiyyətlə Qərbi Azərbaycanda türklər üçün mənəvi dayaq hesab olunurdu. O bölgənin kürdləşdirilmə prosesinə qarşı fəaliyyətdə bir qəhrəman kimi tanınır və uzun illər Komelə, Demokrat, PKK və onun qolu olan “Pejak” terror qruplaşmaları ilə mübarizə aparmışdır.

Qeyd edək ki, Qulamrza Həsəni mayın 21-də 91 yaşında böyrək xəstəliyindən dünyasını dəyişib. O sabah dəfn ediləcək.

 

Həmçinin yoxlayın

Rus sülhməramlıların Azərbaycan ərazisindən vaxtından əvvəl çıxarılması barədə qərar qəbul edilib

GADTB: 2020-ci il noyabrın 10-da imzalanmış üçtərəfli Bəyanata əsasən, Azərbaycan Respublikasının ərazisində müvəqqəti olaraq yerləşdirilmiş …

Yunanıstanlı nazirdən Türkiyənin pilotsuz uçuş aparatları sahəsində çox inkişaf etdiyinə etiraf

GADTB: Yunanıstanın müdafiə naziri Nikos Dendias Türkiyənin pilotsuz uçuş aparatlarının (PUA) istehsalında çox irəlilədiyini, lakin …

Bir cavab yazın