GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Təbriz Universitetin İnzibat Komissiyasının verdiyi qərara görə, Tibb Elmləri Universitetinin 9 ööyrəncisi iki semestr təhsildən kənarlaşdırılma cəzasına məhkum ediliblər.
Buna, öyrəncilərin qız məktəblərində şagirdlərin kütləvi zəhərlənmələrinə etiraz etmələri səbəb olub.
Universitetin İnzibat Komissiyasının verdiyi qərarda təhsildən məhrum edilən tələbələr “iğtişaş və qarışıqlıq yaratmaq”da ittiham olunublar.
Bundan bir müddət öncə isə Təbriz Universitetinin 40 tələbəsinə mesaj göndərilib və onlardan İntizam Komissiyasına getmələri istənilib.
Qeyd edək ki, 2022-ci ilin sentyabr ayında İranda başlayan etiraz aksiyalarından sonra ictimai fəallıq göstərən və tələbələrin həbsinə etiraz edən onlarla müəllim işdən çıxarılıb, onların bir çoxuna qarşı “hökumətə qarşı təbliğat” ittihamı irəli sürülüb.
