Cümə , İyun 13 2025
azfa

Mustafa Şəntop TÜRKPA-nın adının dəyişdiriləcəyini bildirdi

GADTB-nin Mətbuat Mərkəzinə daxil olan məlumata görə, Türkiyə Böyük Millət Məclisinin spikeri Mustafa Şəntop deyib ki, “Türkdilli Dövlətlərin Parlament Assambleyasının (TÜRKPA) adını ən qısa zamanda dəyişdirib, daha güclü bir birliyə çevirəcəyik”.

Şəntop deyib: “Bu, təbii ki, sadəcə ad dəyişikliyi deyil. Qazaxıstanda TÜRKPA-nın toplantısını keçirdik. Həmin iclasda bu məsələ qaldırıldı. Orada qeyd olundu ki, Türkdilli Dövlətlərin Parlament Assambleyasının adını dəyişdirək, Türk Dövlətlərinin Parlamentlərarası Birliyi adını qoyaq. İlk növbədə dövlət başçılarının bir araya gəlib, adı dəyişdirməsi lazımdır, sonra ona əməl edəcəyik. Bu səbəbdən məsələ hələ açıq qalır. Özbəkistanın da TÜRKPA-ya üzvlüyə qəbul edilməsinin məntiqli ola biləcəyini düşünürük”.

Xatırladaq ki, noyabrın 12-də İstanbulda dövlət başçılarının toplantısında Türkdilli Dövlətlərin Əməkdaşlıq Şurasının adı dəyişdirilərək, Türk Dövlətləri Təşkilatı adlandırılıb.

Həmçinin yoxlayın

Marağada molla rejimi azərbaycanlı körpəyə məcburi ad seçimi edib

GADTB: Marağada molla rejimin Vətəndaş Vəziyyətlərinin Qeydiyyatı İdarəsinin əməkdaşları azərbaycanlı körpəyə doğum şəhadətnaməsində seçilən adı …

20 ildə ilk dəfə: AEBA İranı nüvə silahının yayılmaması üzrə öhdəliklərini pozmaqda ittiham edir

GADTB: Atom Enerjisi üzrə Beynəlxalq Agentliyin (AEBA) Rəhbərlər Şurası İrana qarşı qətnamə qəbul edib və …