Cümə axşamı , Mart 28 2024
azfa

Qərbin Suriyaya hücumunun nəticələri açıqlandı-Video

GADTB-nin Mətbuat Mərkəzinə daxil olan məlumata görə, cinayətkar Əsəd rejimi və Rusiya Qərb ölkələrinin Suriya torpaqlarına endirdiyi zərbələrin tələfatını gizlətməyə çalışır.  Cinayətkar Əsəd rejimi isə Qərbin raket zərbələri nəticəsində 3 mülki şəxs yaralandığını iddia edib. Suriyanın Çindəki səfiri İmad Mustafa deyib ki, Suriya torpaqlarına endirdiyi zərbələrDəməşqlə Moskva arasındakı əməkdaşlığı gücləndirir.

Qeyd edək ki, ABŞ Prezidenti Donald Trampın əmri əsasında ABŞ, Fransa və İngiltərə aviasiyası Suriyada Bəşər Əsəd rejiminə məxsus hərbi obyektlərə zərbə endirib.

Axar.az xəbər verir ki, hücum zamanı Dəməşq, Xama, Xüms, Dera və Seveyda şəhərlərində yerləşən hədəflər bombalanıb.

Məlumata görə, paytaxt Dəməşq şəhərində də bir çox mövqe zərbəyə tuş gəlib. Mezze hava limanı, 41-ci briqadanın araşdırma mərkəzi vurulan obyektlər arasında göstərilib.

Hücum zamanı ABŞ-ın “Tomahavk” tipli raketlərdən istifadə etdiyi bildirilib. Suriya Hava Hücumundan Müdafiə dəstələri qarşılıq verib.

Dəməşqdə bir sıra yerli mənbələr paytaxtdakı elmi-araşdırma mərkəzinin də vurulduğunu qeyd edib. Suriya tərəfinin açıqlamasına görə, Kisva bölgəsində müttəfiqlərin atdığı 13 raket zərərsizləşdirilib.

“Foks Nyus”un məlumatına görə, Suriya hərbi təyyarələrinin müəyyən hissəsi Hmeymim bazasındadır. Təyyarələrin zərbələrdən qorumaq üçün rus bazasına yerləşdirildiyi bildirilib.

Fransa Prezidenti Makron zərbənin Suriya hakimiyyətinin kimyəvi silah istehsalına imkan verən obyektlərinə endirilir.

ABŞ Müdafiə naziri Ceyms Mettis Suriyaya zərbənin ardıcıl olmayacağını bildirib. Onun sözlərinə görə, zərbə bir dəfə üçün endirildi, ancaq növbəti zərbə də istisna edilmir.

“Növbəti zərbə Suriya hakimiyyətinin kimyəvi silahdan istifadəsindən asılıdır”, – Mettis bildirib.

Suriya paytaxtında hökumət məhəlləsi və prezident sarayı zərbələrə tuş gəlməyib.

ABŞ Baş Qərargah rəisi general Cozef Danford deyib ki, ABŞ və müttəfiqləri Suriyaya zərbə endirməyi dayandırıb.

Danford Suriya istiqamətində hələlik yeni planlarının olmadığını da açıqlayıb.

Məlumata görə, ABŞ, Britaniya və Fransa Suriyadakı obyektlərə 100-dən artıq raket buraxıb.

Rusiya MN raketlərin böyük hissəsinin hədəfə çatmadan məhv edildiyini iddia edib.

Fransa isə aviazərbələrin videosunu yayıb:

Həmçinin yoxlayın

Təbrizin tarixi bazarında restoran və kafelər bağlandı

 GADTB-nin Mətbuat Mərkəzinə daxil lan məlumata görə, son bir neçə gündə Təbrizin tarixi bazarında fəaliyyət …

Qərbi Azərbaycan İcması İrəvanı Fransanın oyunlarına getməməyə səslədi

GADTB: Qərbi Azərbaycan İcması Ermənistan hökumətini və ictimaiyyətini tarixdən dərs çıxararaq, Fransanın oyunlarına getməməyə çağırıb. …

Bir cavab yazın