Bazar ertəsi , Oktyabr 25 2021
azfa

İrqçi fars rejimi azərbaycanlı milli-mədəni fəal Mehdi Kuxiyanı 18 ay həbsə məhkum etdi

GADTB-nin Mətbuat Mərkəzinin əldə etdiyi məlumata görə, irqçi fars rejiminin Marğada yerləşən azərbaycanlı milli-mədəni fəal Mehdi Kuxiyan milli zəmində və sosial şəbəkələrdə mədəni fəaliyyətinə görə 18 ay həbsə məhkum edib.

Fəal haqqında rejimin Marağada yerləşən İnqilab Məhkəmsinin hakimi Mehdi Davərniya həmin hökmü çıxarıb. Fəala qarşı yalan ittihamlar irəli sürülüb və qeyd edilib ki, guya o sistemə qarşı təbliğdə və “Teleqram” sosial şəbəkəsində rejimə müxalif qrup və təşkilatlarla əməkdaşlıq edərək onların xeyrinə təbliğat aparıb. Məlumata görə, Marağa inqilab məhkəməsinin azərbaycanlı fəala qarşı həbs cəzası ilə bağlı hökmü, yerli “Sepah”ın göstərişi ilə çıxarılıb. Fəal, ona qarşı irəli sürülən bütün ittihamları əsassız sayaraq rədd edib.

Qeyd edək ki, Mehdi Kuxiyan, 2016-ci il, dekabr ayının 19-da səhər saatlarında Məlikanda təhlükəsizlik qüvvələri tərəfindən saxlanılmışdı. Onun həbsi, idarə etdiyi “Məlikan şəhər xəbəri” Telegram kanalının fəaliyyəti və bununla bağlı icra hakiminin şikayəti ilə əlaqələndirilmişdi. Məlikandan olan azərbaycanlı fəal, 2017-ci il,  fevralın 21-də 300 milyon tümənlik mülki vəsiqə girovu qarşılığında müvəqqəti olaraq zaminə buraxılmışdı.

Həmçinin yoxlayın

TÜRKOVAC-la peyvənd olunmaq istəyən könüllülərin sayı artır

GADTB-nin Mətbuat Mərkəzinə daxil olan məlumata görə, COVID-19 infeksiyasına qarşı Türkiyənin milli istehsal məhsulu TÜRKOVAC …

İrqçi fars rejim azərbaycanlı milli fəal Nadir Sadiqianı həbsə məhkum etdi

GADTB-nin Mətbuat Mərkəzinə daxil olan məlumata görə, irqçi fars rejim Təbrizdə azərbaycanlı milli-mədəni fəal Nadir …

Bir cavab yazın