GADTB Güney Azərbaycan Demokratik Türk Birliyi
GADTB: İrqçi fars-molla rejimi Zəncanda tanınmış “Polo” restoranının sahibi Bəhram Fətullahini həbs edərək, restoranı hərraca çıxarıb.
Zəncan şəhərinin tanınmış restoranlarından olan “Polo” restoranının binası SEPAH-ın Xatəm ul-Ənbiyə bölməsi tərəfindən aylıq 500 milyon tümənə kirayə verilmək üçün ümumi hərraca çıxarılıb.
Bu addım restoranın sahibi Bəhram Fəthullahi təhlükəsizlik orqanları tərəfindən həbs edildikdən sonra atılıb.
SEPAH-a bağlı “Təsnim” xəbər agentliyi onun son etirazlar zamanı “daxili təhlükəsizliyə qarşı cinayət törətmək məqsədilə toplaşma və əlbirlik” ittihamı ilə saxlanıldığını bildirmişdi. Bundan əvvəl isə Zəncan Vergi İdarəsi restoranın “bahaçılıq” səbəbindən bağlandığını elan etmişdi.
Restoranın hərraca çıxarılması Zəncan əyalətində vətəndaşlara qarşı məhkəmə və təhlükəsizlik tədbirlərinin gücləndiyi bir vaxta təsadüf edir. Son günlər rəsmi qurumlar “düşmənlə əməkdaşlıq edən şəbəkələrlə əlaqə” ittihamı ilə onlarla vətəndaşın əmlakının müsadirə olunduğunu açıqlayıblar.
