Çərşənbə axşamı , Sentyabr 27 2022
azfa

Qərbi Azərbaycan vilayətində iqtisadi tənəzzül və işsizlik hökm sürür

GADTB-nin Mətbuat Mərkəzinin “Uromnews” saytına istinadən yaydığı məlumata görə, Urmiya Universitetinin İqtisad fakültəsinin Elmi Şurasının üzvü Yusif Məhəmmədzadə Qərbi Azərbaycan vilayətinin yüksək iqtisadi potensiala malik olmasına baxmayaraq, burada iqtisadi tənəzzül və işsizliyin hökm sürdüyünü bildirib.

Y.Məhəmmədzadə qeyd edib ki, vilayətin geri qalmasının əsas səbəbi sənaye bölməsinin burada inkişaf etdirilməməsidir. Bu da təhlükəsizlik məsələlərinə görə investorların burada sərmayə yatırmaq istəməməsi ilə bağlıdır. O vilayətin şəhər məntəqələrində işsizliyin 4 faiz olduğunu qeyd edib.

Y.Məhəmmədzadə Qərbi Azərbaycan vilayətinin Türkiyə, İraq və Azərbaycan Respublikasının tranzit yollarının üzərində yerləşməsini bu vilayət üçün böyük üstünlük hesab edərək, bildirir ki, təəssüflə bu imkandan düzgün istifadə edilməmişdir.

Qeyd edək ki, İran rejimi Qərbi Azərbaycan vilayətində heç bir zavod və farik tikməmişdir. Yalnız bölgənin əlverişli iqtisadi şəraitinə görə, burada kənd təsərrüfatı nisbətən inkişaf etmişdir. Lakin bu da İran rejiminin ayrı-seçkilik siyasəti üzündən məhv edilməkdədir. Belə ki, bu vilayətlə yanaşı digər Azərbaycan vilayətlərində də kənd təsərrüfatı məhsullarının ixrac və emal imkanı məhdudlaşdırılıb. Nəticədə əkinçilər məhsullarını yol kənarlarına tökməyə məcbur olublar.

Həmçinin yoxlayın

Molla rejiminin Ərdəbildə yaxaladığı azərbaycanlı milli fəallardan xəbər yoxdur

GADTB-nin Mətbuat Mərkəzinə daxil olan məlumata görə,  irqçi fars rejimin Ərdəbildə yaxaladığı azərbaycanlı milli fəallardan …

Sepaha bağlı saytda Azərbaycana qarşı sərsəm yazı: Bakı və Ankaranın “NATO-nun Turan dəhlizi” yaratmaq istəyinin pərdə arxası

GADTB: İranın “Təsnim” xəbər ajansı Tehran Universitetinin professoru, Hüquq və Siyasi Elmlər kafedrasının müəllimi Şiva …