GADTB Güney Azərbaycan Demokratik Türk Birliyi
GADTB: Hüquq-müdafiə mənbələrinin verdiyi məlumata görə, gənc türkmən tələbə Məhin Mərhəməti 1404-cü il 18 dey tarixində Tehran şəhərində baş verən kütləvi etirazlar zamanı İran İslam Respublikası təhlükəsizlik qüvvələrinin birbaşa döyüş gülləsi ilə açdığı atəş nəticəsində həyatını itirib.
Ailəyə yaxın mənbələr bildirir ki, Məhin Mərhəmətinin öldürülməsindən sonra onun nəşi qeyri-adi və ciddi təhlükəsizlik şəraiti altında, şəffaf və qanuni prosedurlar gözlənilmədən, cəsədin üzərinə buz qoyulmaqla təxminən 800 kilometr məsafəyə daşınaraq ailəsinin doğma yurdu olan Şimali Xorasan vilayətinin Xərtut kəndində dəfn edilib.
Nəşin bu şəkildə daşınması sübutların gizlədilməsi ehtimalı, ailəyə göstərilən təhlükəsizlik təzyiqləri və mərhumun insan ləyaqətinin pozulması ilə bağlı ciddi narahatlıqlar doğurur.
