Şənbə , İyul 24 2021
azfa

Azərbaycanlı milli-mədəni fəal Kiyumərs İslami Muğan zindanında aclıq aksiyasında

GADTB-nin Mətbuat Mərkəzinə daxil olan məlumata görə, azərbaycanlı milli-mədəni fəal Kiyumərs İslami qanunsuz müvəqqəti həbsdə saxlanıldığı üçün Muğan zindanında aclıq aksiyasındadır.

Azərbaycanlı fəal müvəqqəti azadlığa buraxılmaması və ailəsinin təqdim etdiyi mülki vəsiqənin qəbul olunmaması, eləcə də hakimin prosesi uzatmasına etiraz olaraq, iyulun 28-dən aclığa aclıq aksiyasına başlayıb.

Məlumata görə, Kiyumərs İslami həbsxanada ağır cismi və ruhi işgəncələr altında saxlanılır.

Fəalın nədə ittiham edildiyi barədə hələlik dəqiq məlumat yoxdur.

K.İslaminin ailəsi iyul ayının 26-da Parsabad Məhkəməsinə müraciət edərək hakim tərəfindən fəalın müvəqqəti azadlığa buraxılması üçün təyin olunan mülki vəsiqəni təqdim etmək istəyiblər, lakin məhkəmə irqçi fars rejimin təhlükəsizlik qüvvələrinin tapşırığı ilə vəsiqəni qəbul etməkdən imtina edib.

Bundan əvvəl fəalın dosyesinə baxan hakim onun müvəqqəti azadlığa buraxılması üçün 120 milyon riallıq mülki vəsiqə qərarı çıxarıb.

Fəalın dosyesinə baxan hakim onun ailə üzvlərinə bildirib ki, Kiyumərsin məhkəmə iclası gələn ay keçiriləcək və o vaxta qədər fəal azadlığa buraxılmayacaq. Ona görə də Kiyumərs İslami fəal aclıq aksiyasına başlayıb.

Qeyd edək ki, azərbaycanlı fəal Babək Qalası Qurultayı zamanı rejimin təhlükəsizlik qüvvələri tərəfindən həbs edilib.

Həmçinin yoxlayın

Ermənistan ordusu atəşkəsi pozdu; azərbaycanlı əsgəri şəhid oldu

GADTB-nin Mətbuat Mərkəzinə daxil olan məlumata görə, iyulun 23-ü saat 16:00 radələrində Ermənistan silahlı qüvvələrinin …

İran rejimi azərbaycanlı fəal Əmir Səttarini həbs etdi

GADTB-nin Mətbuat Mərkəzinə daxil olan məlumata görə, irqçi fars rejimin məmurları azərbaycanlı fəal Əmir Səttari …

Bir cavab yazın