GADTB-nin Mətbuat Mərkəzinə daxil olan məlumata görə, İranın uran ehtiyatı 900 tonu keçib. Bunu İRİB televiziyasına müsahibəsində İran adlanan ölkənin prezidentinin müavini Əli Əkbər Salehi deyib.
Salehi deyib: “Nüvə razılaşması imzalananda bizim uran ehtiyatımız 550 ton idi. Sonradan 400 ton uran idxal etməyi bacarmışıq. Bu 400 tonla uran ehtiyatımız təxminən 900-950 tona çatıb”.
Qeyd edək ki, ABŞ bu ilin mayında İranla nüvə razılaşmasından çıxdığını bəyan edib. Rəsmi Vaşinqton və Təl-Əviv bu razılaşmanın İran adlanan ölkənin nüvə silahı əldə etməsinə maneə yaratmadığını bildiriblər.