Çərşənbə , Fevral 12 2025
azfa

Azərbaycanlı fəal Vəliullah (Oxtay) Zöhrabi hədələnərək yaxalanıb

GADTB-nin Mətbuat Mərkəzinin əldə etdiyi məlumata görə, Güney Azərbaycanın Qoşaçay bölgəsində azərbaycanlı milli-mədəni fəal Vəliullah (Oxtay) Zöhrabi İran adlanan ölkənin təhlükəsizlik qüvvələri tərəfindən təhdid edildikdən sonra yaxalanıb.

İran adlanan ölkənin təhlükəsizlik qüvvələri yanvar ayının 1-dən başlayaraq fəala zəng edib onu həbslə təhdid ediblər. Məmurlar nəhayət yanvar ayının 8-də yaxaladıqları fəalı Qoşaçayın Mərkəzi Zindanına salıblar. O 5 gün saxlandıqdan sonra yanvar ayının 13-də mülki vəsiqə qarşılığında sərbəst buraxılıb.

İran adlanan ölkənin təhlükəsizlik qüvvələri türk fəalı yaxalayarkən məhkəmə hökmü təqdim etməyiblər. Fəalın hansı səbəbdən yaxalandığı da qeyd edilməyib.

Qeyd edək ki, Vəliullah (Oxtay) Zöhrabi Əvvəllər də Azərbaycan türk millətinin milli-mədəni hüquqları uğrunda apardığı mübarizəyə görə dəfələrlə İran adlanan ölkənin təhlükəsizlik qüvvələri tərəfindən yaxalanıb.

Həmçinin yoxlayın

Urmiya zindanında həbsdə olan azərbaycanlı siyasi fəal aclıq aksiyasını davam edir

GADTB-nin Mətbuat Mərkəzinə daxil olan məlumata görə, İranın Beheşti Univetsitetinin Kompüter Elmləri Fakültəsinin magistr tələbəsi …

İran mediası Azərbaycanda talış dilinin zəifləməsi bəhanəsi ilə ölkənin daxili işlərinə qarışır

GADTB: IRNA xəbər verir ki, “Azərbaycanın talış dilinin qrammatikası və şimal ləhcəsi” adlı kitabın iranlı …

Bir cavab yazın